व्यावसायिकरित्या होणाऱ्या दुग्धनिर्मितीसाठी गायींना नैसर्गिकरित्या निर्माण झालेलं खाद्य दिलं जात नाही. त्याऐवजी रासायनिक प्रक्रिया केलेलं खाद्य खायला घातलं जातं. त्यांना इंजेक्शन, औषधे देऊन दुग्धोत्पादन वाढवतात. हे सगळं न करता पूर्णपणे नैसर्गिक आणि वेज्ञानिक पद्धतीनं गोपालन करता येतं, हेच आम्ही आमच्या गोशाळेत दाखवून देतो. गोठ्याच्या आकारापासून दूधावरच्या प्रक्रियेपर्यंत सर्व प्रक्रियेत निसर्गाच्या नियमाविरुद्ध काहीही होणार नाही, याची आम्ही दक्षता घेतो. त्यामुळे संपूर्ण नैसर्गिक प्रक्रियेमुळे आमचं दूधही १०० टक्के नैसर्गिकच असतं.