आज कापसे पैठणी हे नाव संपूर्ण महाराष्ट्राला परिचित आहे. या कापसे पैठणी उद्योगाचे सर्वेसर्वा असलेल्या बाळकृष्ण नामदेव म्हणजे बाळासाहेब कापसे यांच्या संकल्पनेतूनच ही अहिल्या गोशाळा साकारली आहे. अत्यंत गरिबीतून मोलमजुरी करून घेतलेलं शिक्षण आणि त्यातून पुढे कापसे पैठणी उद्योगाचं उभारलेलं साम्राज्य ही मोठी यशोगाथा आहे. पण या उद्योगातून मिळालेल्या यशाची परतफेड करण्यासाठी त्यांनी अहिल्या गोशाळा हा सामाजिक आणि निसर्गपूरक उपक्रम साकारला आहे.